بقلم ا.د فتحي الشرقاوي
في حياة كل واحد منا شخص توكسيك عايش حياته على مص دمك حرقة اعصابك ومحاولة تدميرك معنويا،لو عندك شخص سام وقارفك.وجعلك لا طايق نفسك ولا طايقه.ولا طايق الدنيا باللي فيها انصحك بالأتي
أولا…
أول حاجه مودياك في داهية انك بتتكسف.تحرج حد وتصده، أهو ده أول باب بيدخل منه التوكسيك لك وهو ضامن إنه يستنفزك وتتكسف تقوله عيب ،لو ضايقك بكلمة او تصرف شعرت فيه بإهانه أو إهدار كرامه رد عليه بأدب بحيث يشعر أنك تستهجن اسلوبه ولا تقنع نفسك بأن الصمت أمامه أمثل أسلوب لموتجهته لأنه غالبا ما يفسر سكوتك ضعف واستكانه مما قد يزيد من افترائه عليك
ثانيا..
اوعى تيجي على نفسك.علشانه مهما كانت الأسباب ولا تتأسف وتعتذر له وإنت مش غلطان في.حقه.لأنك بهذا الموقف تغذي نرجسيته وتورم أناه بزياده..
ثالثا..
لا تتخدع ولا تتخض لما يعمل شوية المظاهر الكدابه معاك ( صوته.العالي تشويح
ايديه،تبريقة عينيه) كلها حركات اونطه لأنه ممثل باهر وكذاب ومدعي وافاق وبيلف وحوارتجي…
رابعا..
لاتعطيه إهتمام أكبر من حجمه وحاول تظهر له إنك لا تهابه ولا تخشاه وتعمد تجاهله في بعض الأحيان كأنك مش واخد بالك منه
صحيح أن تجاهله قد يدفعه للعنف لكنه أسلوب قد يقلل نسبيا من فرعنته عليك
خامسا..
لا يكن اسلوبك وطريقتك في الكلام معه #مايع كن حاسما وحازما لكي لا تعطيه فرصة السيطرة عليك
سادسا..
حاول ترسم شخصيتك.
وإنت معه و لا تقول اشيل الفروق والمسافات معه
لأ .ضع بينك وبينه مسافات قدر الإمكان وقول( لأ )بقوة لو إنت مش عاجبك اي تصرف منه..
سادسا..
لو بتتناقش معه في موضوع ياريت تثبت على موقفك
ولا تتراجع لأنه دائما ما يفسير تراجعك بأنك خايف منه وليس انك تشتري وتجبر بخاطره
سابعا..
لا تعطيه فرصة لكي يفجر مشاعر الذنب عندك ،.
ويجعلك على طول شاعر بالذنب لأن كل هدفه يشوفك #متعذب ومتوتر لكي ينعم و يحس بفوقيته وتمايزه
وللحديث بقية…
علم النفس علم للحياة 🌹