كتبت: رانيا التركى
ليست كل يد امتدت لتُطعم كانت رحيمة، ولا كل حضن دافئ كان مأمنًا. فثمة آباء وأمهات لم يكونوا ملاذًا، بل كانوا بداية للوجع. تحت مسمى الأبوة والأمومة، الأبوة والأمومة ليست أدوارًا بيولوجية فحسب، بل مسؤولية نفسية وروحية، وإذا فُقد فيها الاتزان، تحول الحنان إلى عبء، والتحفيز إلى قيد، والحماية إلى سجن.
اهلاً بكم فى حديث اليقظة فلنبدأ:-
أولا: مينفعش تحمل نفسك مسؤلية بيت سام بمعنى انك لو كبرت فى بيت فيه عنف او تحقير أو لوم مستمر لزم تعرف إن اللى حصل او بيحصل مش بسببك ومش ذنبك وأنت غير مسؤول عنه .
ثانياً: متحاولش تغيرهم.. غالباً محاولات تغيير الأباء للأفضل بتكون صعبه جداً خاصة لو هما كبار سناً الأفضل انك تركز على طريقة تعاملك مع الموقف بإنه ميأثرش عليك قدر الإمكان .
ثالثاً: لزم تحاوط نفسك بشبكة دعم ركز فى اختياراتك لأصدقائك أنهم يكونوا داعمين ومتفاهمين بيساعدوك إنك تتخطى الأوقات الصعبه عشان تكون أفضل نسخه من نفسك.
رابعاً: والأهم لزم تخلق لنفسك مساحة شخصية اى نشاط يشغلك ويفرغ طاقتك بشكل صحى زى الرياضه او الكتابه والتعلم الذاتي المساحه دى هتساعدك وهتهون عليك كتير .
خامساً: اهتم بنفسك حاول متخليش ظروف النشأة دى تأثر عليك وعلى اختياراتك ابذل مجهود عشان تتعرف على نفسك أكتر وتعرف انت محتاج اى بالظبط اختار عن وعي خاصة العلاقات العاطفيه.
سادساً: الا وهو انك تعمل لبكره بمعنى إنك تشتغل على نفسك وتحاول تبقى الأحسن وده هيساعدك إنك تستقل بذاتك للأمام.
سابعاً: نتجنب تماماً جلد الذات اوقات كتير هتحس بالذنب وهتسأل نفسك شوية أسأله هو انا وحش.. هو انا السبب . حاول تحمى نفسك من مشاعرك السلبية لإن ده حقك.
وأخيراً وليس أخراً إنت مش لوحدك ناس كتير حوالينا بتمر بنفس التجارب بس مش كله بيحكي كونك بتبحث عن الدعم النفسي والحلول الإيجابية ده معناه إنك قوى وشجاع ..