0
0 بقلم : دينا سيد نجم الدين
أخصائي إرشاد أسري ونفسي
كسر الخاطر بيهدم، الحب حتي لو كان تلال من الجبال، إياكوا تتعاملوا بمبدأ الضمان، بمعني أنك تبقي ضامن إن اللي قدامك بيحبك ف خلاص بقي، فتبطل تهتم .. تبطل تحن عليه .. تبطل تعمل الحاجات وتمشي علي حل شعرك بقي مهو خلاص.
اللي زمان خليته يحبك ..إياك تتطمن لرصيد الحب اللي ليك في قلبه ..و تفضل تسحب من الرصيد ده
من غير ماتحس ….
لأنك فجأة هتلاقي اللي قصادك بقي شخص مختلف تماما .. متتصدمش إنه إتغير .. متتصدمش إنه بطل يحبك .. لأن رصيدك عنده خلص .
اللي أنت عملته زمان، وحببه فيك خلص و أنت مش واخد بالك ..
عمال تضغط عليه و تهمل فيه و تقسي عليه وتبعد عنه في عز ما هو محتاجلك .
ومش ملاحظ إن كل ده بيسحب من رصيد حبك .
أنت سحبت ومهتمتش أنك تزود الرصيد ده من وقت للتاني عشان يفضل مكمل معاك ..
الحنية و الإهتمام و التقدير بالكلام و الفعل هما وقود الحب .
هما الرصيد اللي أنت بتعمله إيداع في قلب حبيبك ..
لأن مفيش حب بيدوم غير لما تهتم به، لو عايز حبك يعيش العمر كله خد بالك منه و إهتم به و حافظ عليه قبل مايموت و ساعتها هتندم و مش هتعرف ترجعه تاني، لأن اللي بيموت مبيرجعش للحياة تاني للأسف …
الي يدي ودانة للناس و يخلي بيتة وحياتة الناس كلها عرفاها هيخربوا بيته، محدش بيحب مصلحة حد بعض الناس عايزة خراب في الزمن دة اتعلم وافهم قبل فوات الأوان.
اتقي الله في اللي معاك أو معاكي النصيحه للزوجين، ربنا يكرمك بالحلال كلة بركة ورضا من ربنا وقل الحمد الله من حمد الله زادة، أرضي بما كتبه الله لك تكون اسعد انسان في الدنيا.
اهدمو اي شئ ولا تهدمو انسان في خاطره
احسنتي