كتب : دينا سيد نجم الدين
النرجسي بيبان واثق من نفسه جدًا… بس هل ده حقيقي؟
الإجابة: لأ.
النرجسي مش واثق من نفسه… هو بيتصنّع الثقة قدام الناس، وبيخبي وراها هشاشته الحقيقية.
النرجسي بيلبس قناع الثقة الزايدة علشان:
1️⃣ يخبي إحساسه الداخلي بالنقص
2️⃣ يسيطر على الناس ويحسسهم إنه “الأقوى”
3️⃣ يهرب من مواجهة ضعفه الحقيقي
النرجسي في العمق:
بيخاف من الرفض
بيتلخبط لما حد يواجهه
بيحس بتهديد فظيع من أي شخص مستقل أو واثق بذاته
بيحتاج طول الوقت تأكيد من اللي حواليه إنه محبوب ومميز
كل مظاهر الثقة اللي بيظهرها…
من طريقة كلامه، نظراته، حتى غروره المبالغ فيه، هي مجرد درع بيحمي بيه نفسه من الإحساس بالفراغ الداخلي.
وعلشان كده لما تحرميه من الإعجاب أو الاهتمام، بيتوتر، يهاجم، أو ينهار.
الخلاصة:
النرجسي مش قوي…
هو متقن التمثيل.