كتبت : دينا سيد نجم الدين أخصائي نفسي وإرشاد أسري واضطرابات نفسية ومشكلات سلوكية للأطفال والمراهقين
من أهم القرارات اللي ممكن ياخدها الإنسان في حياته هو قرار الزواج، لأنه ببساطة مش مجرد ارتباط بين شخصين… هو بناء حياة، تربية أطفال، وأمان نفسي طويل المدى.
1. افهم نفسك أولًا:
قبل ما تدور على “الشريك الصح”، لازم تعرف أنت مين، وبتدور على إيه…
هل أنت جاهز عاطفيًا ونفسيًا؟
هل داخلك نضج كافي للتعامل مع الضغوط والمسؤوليات؟
2. ركز على الأساسيات مش الكماليات:
الشكل، الحالة المادية، أو “الكاريزما” مش كفاية.
اللي يفرق فعلاً هو:
القيم المشتركة
طريقة التفكير
طريقة التعامل وقت الغضب
الاحترام المتبادل
3. حط حدود حمراء:
فيه حاجات ما ينفعش تتغاضى عنها:
عدم الاحترام
الغيرة المرضية
التحقير أو التقليل
الكذب المستمر
4. اسأل نفسك الأسئلة دي:
هل أقدر أكون نفسي معاه/معاها؟
هل لما بيحصل خلاف، بنتعامل بنضج؟
هل فيه قبول حقيقي مش تمثيل؟
هل أنا بتطور في وجوده/ ا ولا بضعف؟
5. الزواج مش حل لمشكلة نفسية أو عاطفية:
متتجوزش علشان تهرب من الوحدة، أو تملى فراغ جواك.
الجواز مش بيداوي، بالعكس… بيكشف كل حاجة!
الاختيار الصح بيعني راحة طويلة.
والاختيار الغلط بيخليك تدفع تمن سنين من عمرك.